منتديات المصمم نت



 
الرئيسيةالرئيسية  بوابة مواهب نتبوابة مواهب نت  التسجيلالتسجيل  دخولدخول  العاب  إتصل بنا  

شاطر | 
 

 نكت مغربية 2

اذهب الى الأسفل 
كاتب الموضوعرسالة
anouar.rey

avatar

عدد المساهمات : 21
تاريخ التسجيل : 10/02/2012

مُساهمةموضوع: نكت مغربية 2   الأربعاء يوليو 25, 2012 5:56 am

wwwwcv
نكت مغربية 2
face199 +++++++++ face55 +++++++++ face199

سولوا واحد: كيفاش كنقولو ساهلة ماهلة بالفرنسية؟
قال ليهم: facile macile


واحد الراجل سول صاحبو: تعرف تعوم؟
قال ليه صاحبو: لا، ما كنعرفش.
قال ليه لاخور: هي الكلب حسن منك حيت كيعرف يعوم.
قال ليه صاحبو: ونتا كتعرف تعوم؟
قال ليه لاخور: اه كنعرف
قال ليه صاحبو: هي بحالك بحال الكلب.

واحد المكلخ مشى يشري صباط.
سولو مول المحل: شحال كتلبس ف رجليك؟
قال ليه المكلخ: جوج فردات.

واحد المكلخ كان سهران ف دار صاحبو، وملي بغى يمشي لدارهم، لقى الشتا كتصب.
قال ليه صاحبو : غير بات عندي اليوم، الدنيا هانية. ومشى للكوزينة يوجد أتاي
ملي رجع، لقى المكلخ كله فازك، وهو يسولو: منين جاك هاد الما؟
قال ليه المكلخ : غير مشيت لدارنا جبت بيجامة ورجعت

واحد السيد صمك كان جالس حدا واحد الطيابة.
خلاها حتا ناضت باش تسخر، وهو يسرق ليها دجاجة، ودارها في قبو...
ملي رجعت الطيابة، قالت ليه : السلام عليكم
و هو يقول ليها : إينا دجاجة لهلا يطيح علينا شي باطل

هادي واحد المرا شارفة طلعات للكار.
قالت ليهم وكلوني، وكلوها...
قالت ليهم تكيوني، تكاوها...
ناض واحد الشارف، وقال ليهم: هبطوني ...
قالوا ليه : علاش الحاج؟ ياك ما كاين باس؟
قال ليهم : خايف تزيد تقول زوجوني، تلصقوها فيا.

رأى ثعلب غرابا فوق الشجرة وبفمه قطعة من الجبن...
فقال الثعلب: أيها الغراب غن لي، إن صوتك جميل !
فوضع الغراب قطعة الجبن تحت جناحه وقال: سير ألحمار، يحساب ليك أنا هاداك الغراب المكلخ اللي قراوكم ف التحضيري؟

هادا واحد عيطات ليه مرتو، قالت ليه: ألو
هو ما بغاش يهدر معاها دار راسو ما كيسمعهاش، وقال ليها: ألو؟
قالت ليه: ألو!
عاود قال ليها: ألو؟
قالت ليه: حلف بالله أنك ما كتسمعنيش
قال ليها: واحق الله

سولوا واحد التلميد: ما هي فوائد الغش في الإمتحان؟
قال ليهم: تقوية عضلة العين والسمع، تقوية العلاقات الاجتماعية، نشر روح التعاون، والنتيجة: إسعاد الوالدين!

واحد قال لصاحبو: أنا احتمال خمسين بالمية نتجوج بهاديك المغنية المشهورة
قال ليه صاحبو: وكيفاش زعما؟
قال ليه لاخور: أنا ودارنا موافقين، بقات غير هي ودارهم.

واحد الراجل سرفق ولدو، قال ليه: ياك قلت ليك فيقني مع الربعة، راه الستة هادي
قال ليه ولدو: والله إيلا جيت نفيقك ولكن لقيتك ناعس

واحد الراجل كيموت وبغا يقول لولادو شي حكمة
ناض جمعهم كاملين وقال ليهم كل واحد يجيب معاه عصا
من بعد قال ليهم كل واحد يهرس العصا ديالو، وكلهم هرسوهم
قال ليهم كل واحد يشد ربعة د العصيان ويهرسهم، حتى واحد ما قدرش إلا الكبير فيهم.
قال ليه شد عشرة د العصيان وهرسهم. الولد الكبير هرسهم حتى هوما
قال ليه شد عشرين عصا وهرسهم. الولد الكبير هرسهم بخطرة
شاف الراجل ف ولادو وهو يقول ليهم: ما حد معاكم هاد البهيمة، ما تخافوا من حتى حاجة.

هادا واحد مكلخ عندو شي فلوس وبغى يخبيهم
ناض حفر حفرة ف الجردة، خباهم تما، ودار فوق الحفرة بلاكة كتب فيها: هنا ما كاينينش الفلوس
شوية جا خوه، بانت ليه البلاكة، جبد الفلوس خداهم، ودار بلاكة كتب فيها: راه ماشي خوك اللي خدا ليك الفلوس.

خضار و جزار تخاصموا على البلاصة في السوق. الجزار ضرب الخضار بكيلو وهو يسخف.
جا الإسعاف دا الخضار للصبيطار،و ملي فاق لقى الفرامليا لابسين الطابليات دايرين بيه.
وهو يقول ليهم: وا شهدوا عليه أمالين صيكوك، واشهدوا عليه أمالين صيكوك

واحد مكلخ دخل واحد المحل ديال التحف، وهرس واحد الڤاز
مول المحل كعى، قال ليه: أشنو درتي؟ راه هادا من القرن التامن عشر
قال ليه المكلخ: أووووف تخلعت، يسحابلي واش جديد

3rw0
الرجوع الى أعلى الصفحة اذهب الى الأسفل
http://mosamim.7olm.org
 
نكت مغربية 2
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المصمم نت :: قسم التسلية والترفيه :: نكت-
انتقل الى: